محشش يسوق تكسي .. أشّرتله بنيه .وگف گال : وين تروحين؟ گالت: للشورجه گاللها: اوكي بس لتتأخرين
محشش رجع للبيت متأخر .مرته فتحتله الباب.. ضربها وگاللها وين ليهسه متأخره بنت النعال؟
محشش كامش الدجاجه ويضرب بيها ويگول: يا بنت الكلب كل يوم بيض ماكو فد يوم جبن.. قيمر..؟
محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: طيب وإنته؟
حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.
طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.
حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟
حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟
حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟
حشاش سأل أبو المخضر:عندك فاصوليه خضره؟ گال :لا والله خلصت گال.لعد شضل عندك يالون؟
قزم راد ينتحر چيّت من الرصيف.
قزم عطس ..طخ راسه بالگاع ومات.
محشش بنه بيت مدوّر وگال لمرته:هم گولي بعد حابسني بين أربع حيطان؟
ثنين محششين يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.
محشش راح للمطار يستقبل أبوه باس الجنطه وشال أبوه.
محشش عوّز ..دز إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه براس الشارع.
محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟
محشش يسوق سياره .وگفه شرطي المرور گال له إجازتك؟..گال أي حشيش هذا اللي تحچي عنّه.
واحد راح يسرق بيت وحده سمينه حيل .مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.
ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.
صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!
صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.
دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجه
صرصر كاشخ عل آخر... وگف تكسي ... گلله: بلوعة الشيراتون من فضلك.ا.
دجاجه إنتحرت وكتبت على ورقه:خلّي( ماجي) ينفعكم..!!
طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!
هايشه وگفت گدام المرايه وگالت:والله حرام كل هذا الجمال وياخذه ثور.
حيّه تبچي .گالولها :ليش؟؟ گالت خمس سنوات إمخيله عله عربيد وبالأخير طلع صونده.
واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
واحد يشتغل بالستلايتات..طلع أبنه من الأوائل گال : لا مع الأسف راح يشفروه مثل الـ(أي أر تي)..
معيدي گال لمرته الحضريه شناكل اليوم گالت: مسويه رجيم گال اي والله ماضايگهه.
مطفّي يم صاحبته دگ عليه الموبايل .طلعت مرته.. گال عجيب شمدريهه أني هنا؟
واحد گال لأبنه إذا نجحت هالسنه أشتريلك رولز رايز وإذا زمال مثل كل سنه أخليك عالـ بي أم 2000 مثل الكلب.
واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟
واحد گال لصاحبي :بالله شوف ألاشاره مال السياره تشتغل؟ فگال له صاحبه:إي..لا..إي..لا..إي..لا.............
محشش دعم أثنين بسيارته واحد مات والثاني متكسر.. گام المتكسر يصيح.. گال له المحشش شبيك تصيّح أشو هذاك مات وكلشي ما گال.
اثنين محششين مساجين خططوا يقتلون الحارس ويهربون راحوا شافو الحارس ماموجود رجعوا گالوا: خربت الخطه
محشش بالحرس الوطني گالوله: من تشوف الملاّ.. تضرب واحد وعشرين طلقه..گال: وإذا صوبته بأول وحده...أكمّل الباقي؟
واحد عنيد.. صاحبه دگ عليه الباب گال:منو؟ گال:أنا..گال :لا مو أنته.
محشش يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .
محشش گالوله الحگ مرتك تخونك بالبستان ويه صديقك..راح ركض ورجع وره شويه گال:مناعيل الأهل هنّه شجرتين.. سووهه بستان..وجماله الولد طلع لا صديقي ولا أعرفه.
محشش گالو له شفنا واحد راكب ويه مرتك بالسياره ومرتك تسوق بسرعه طايره گال لاتخافون عليهه ..شاطره بالسياقه.
محشش كتب لافته على باب محله: يوجد لدينا ثلج بارد جداً.
عد فتره من نجاح الاعلان كتب:ملاحظه.. المحل يفتح ليلاً ونهاراً فقط.
محشش گالوله شنو رايك إذا نوال الزغبي طلبت منك تنام وياهه؟ گال والله إذا مو نعسان ما أگدر.
محشش يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
محشش خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها ركض..بالباب وگف گال :لعد شكو جاي أني إذا فارغ؟
محشش سألوه شتسوي اذا ردت تصيد أرنب ؟ گال: أقلد صوت جزر.
محشش راد يبدل الگلوب ركب على كتف مرته وگاللها يلله افتري.
محشش طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.
محشش يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..المحشش غمزله وعض له شفـّه.
محشش گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.
محشش شاف گشر موز بالشارع گال:أوهوووو..هم راح نزلگ!!
واحد وگع من جبل...صاح.إلحگوليييييييي..چيتوا اهل القرية كلهم وراه.
محشش سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.
محشش عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
محشش گال له أبوه روح إغسل وجهك راح يجونه خطار..گال وبلكي ما إجوا؟
واحد حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله لهناك.
واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ يَمّه.
محشش أتصل بالأطفاء گاللهم:شنو إذا ماكو حريق منشوفكم يعني؟؟
محشش راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟
محشش سألوه: ششفت ببغداد؟ گال السفن أب..گالوا شنو يعني ؟ گال بطل تفتحه لو تلحگ تشرب منّه لو لا.
محشش شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟
محشش شاف نافورات هواي ببغداد گال :حيل شكثر بيهه بوريات طاگه.
محشش شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
محشش سوّه معمل خل بالرمادي طلع كسر لإن طلعت إشاعه عليه أن الخل مالته مو تازه.
محشش تعين بالأمن السري مال الكعبه شاف واحد يطوف گاله :شعندك تفتر هنا؟
محشش عرس سكتاوي حط كاسيت فارغ بالمسجل.
واحد من المدعوين عجبه الشريط طلب منه نسخه مسجله.
جيرانهم دگ الباب حيل منزعج گاللهم :يأ أخوان نريد اننام متنصون الصوت مال المسجل شويه.
بخيل أشتره علچ أبو السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.
محشش طگّت أموره بالتجاره جاب خدامه..ثاني يوم تعاركت مرته ويه الخدامه..گام عزل كل وحده ببيت.
محشش واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟
محشش يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟
محشش گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.
محششين ثنين يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.
محشش اشتره لابنه حاسبه شال الصفر منهه گال حتى لتسجل عليّه مكالمات دوليه.
فيترجي اشتره چربايه ..نام جواهه وصاح على مرته: ناوشيني سبانه تلثطعش.
محشش گال لابوه: بابا خل نروح لحديقة الحيوانات ابوه گال له: لاتستعجل ابني فد جم يوم همه يجون ياخذونه.
محشش اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
فد واحد متعاجز تزوج وحده حامل گال والله لأن مالي خلگ لليلة الدخله.
محششة قرت بجواز رجلهه مكتوب( رجل اعمال) گالت سواهه الكلب واتزوج عليه.
بخيل گال لجهاله اللي ينجح هالسنه اراويه سيارة الموطا.
بخيل گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.
بخيل بلع ربع حباية فياجرا گال :الليله بس بوس.
بخيل دز ابنه على تلث گرص خبز من رجع الابن گاله ابوه : بابا رجّع وحده امك ماتت.
بخيل أحترگ بيته دگ عالأطفاء مره وحده وسد التلفون.
تلث بخلاء نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟
من معتقدات الناس انه لازم واحد يسمّي قبل الأكل(يقول بسم الله)وإلا أكل ويّاه الشيطان بخيل ما ياكل غير البرغل أربع سنين..أخر شي طلعله الشيطان گال له:أخي العزير..روحي طلعت من هالأكله..لو تغيرها.. لو تسمّي قبل الأكل.
محشش گال لأبنه إذا تنجح اجيبلك مدرس خصوصي مُـلـُـك..
مدرس سأل طالب محشش گاله: أبوك شگد عمره گال ما أدري أستاد بس هوّه من زمان عدنه.
واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه منو.
واحد سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.
محشش يسوق تكسي ركبوا ثنين رايحين لملعب الشرطه گالوله:إذا ممكن نادي الشرطه الله يخليك.. گال: ليش متحلّوهه بيناتكم اخوان.
محشش وگف يفوّل سيارته بالبانزين خانه..شاف بنات بسياره ثانيه..گال للعامل:بالله فوللي بعشرتالاف دينار بانزين.
صاحبه وياه بالسياره كردي گاله مادام راح تفوّل بهلگد أكيد راح تطول اروح للكشك اجيب عصير واجي شجيبلك وياي گال له: اللي يعجبك.. راح جاب عصير إله وقلم جاف لصاحبه.
محشش عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
محشش أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره.
محشش سوه عملية رفع كليه فنجحت العمليه گال والله مدام هيچ لآكررها.
ابو بريص سكران يگل لصاحبه: والله لوما الشرب والنسوان جان هسة اني باقي تمساح
واحد شاف اعمى لازم جريده گال اول مره اشوف اعمى يقره كلله الاعمى: ومنو گللك اعرف اقره؟؟؟.. اني جاي اتباوع عالصور بس
محشش أشتره مرايه وتباوع لروحه بيهه گال ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه گال: لك هذا أني..
محشش أشتره مرايه وتباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..
محشش أشتره سياره شبح كتب عليهه تره ميخوّف موعبالكم.
محشش أشتره سياره حديثه گالوله شلونهه وياك؟ گال والله من الرمادي لبغداد سريعه لآن خمسه گير بس بالرجعه من بغداد للرمادي مو هلگد سريعه لآن بس گير واحد.
محشش وگـّف تكسي گال له: فارغ؟ گال: نعم گال :متنزل نسولف شويه نگضي وكت.
لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.
محشش كمّل دراسه بالخارج ورجع لأهله شاف عدهم زمال .. گال :الحمد لله كمّلت دراسه من دونهم.
واحد خبيث سوه حفلة زواج.. وزع بطاقات بيهه الجمره الخبيثه.
واحد محشش گال له أبنه: بويه إجازة السوق مالتي سقطت.. قال له أبوه:طبعاً.. من كثر د من الناصريه إشتغل مدير دار الأيتام..گاللهم راح أسوي أجتماع مجلس الآباء.
حرامي خبيث طب لبيت يبوگ مالگه شي..خابر رقم بأمريكا وخله السماعه مرفوعه للصبح.
صرصر خبيث عزم جماعته عالعشه يمّه..أول ما إجوا..سحب السيفون عليهم.
واحد رادوا يعذبوه انطوه ورقه مكتوب عليهه من الوجهين (إقلب الصفحه)
برميل سأله لصاحبه:وين هالأيام؟ متنشاف؟ گال له: والله موفارغ.
محشش فتح باب السياره يريد ينزل شاف المطر قوي..سدهه ونزل من الباب الثانيه.
محشش گال لأبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه.
بخيل تزوج راح شهر العسل بوحده.
محجبه لابسه قصير.. گالولها: ليش؟ گالت: حتى أرضي الله وعباده.
ثنين إعجوزچيه..واحد اتثاوب .الثاني گال له: ميدام فتحت حلگك متصيحنا على ماي صارلي إسبوع عطشان.
واحد ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.
محشش ديسوق دعم اللي گدامه..نزل ذاك گال له: شنو..چنك ماشايفني؟ گال: والله شايفك.. بس ما أتذكر وين.
أحول إتزوج عله مرته...طلعت هيه نفسهه
حشاش راح يشتري حشيشه..شاف الشرطه بالشارع..ذب الفلوس وأنهزم.
محشش سال أبوه: بابا منين چنتوا تشربون ماي گبل؟..گال أبوه: من العيون إبني..قال: بابا لعد ليش هسه من الحلوگ؟
محشش انسرقت سيارته..ركض وراهه ورجع گال:هم زين أخذت رقمهه .
محشش سوه دعوه سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه..بهل حوالي..المهم أقل من تسعميه.
محشش شاف واحد ويه مرته..جر المسدس عليه..ذاك گال:لك كاكا هذي الكاميرا الخفيه.. الكردي گال:خره بعراضكم..ماكو غيري؟..هاي خامس مره تنكتون بيّه.
واحد جاب شاهد زور يشهدله بالمحكمه گال: أريدك تشهد أني اطلب فلان مليون دينار..گال له : ليش لهسسه ما سددهن؟
محشش حب يتحارش بوحده وياه بالجامعه..طخهه فوگعن كتبهه..گام لمّلهياه كلهن..گالت له: شكراً..عذبناك..گال: بالعكس.. لاعذاب ولا خره.
حشاش دينظم ميزانية المصروفات گال:هاذي ألف للكهرباء..هاذي للأكل..هاذي للحشيشه..اندگت الباب رأسأ..وإذا الشرطه..گام رأساً مزّگ فلوس الحشيشه.
محشش صيدلي إجاه واحد گال له: عندك دوه للصراصير؟ گال له:خير شبيهن؟
محشش خابر الشرطه گاللهم:أكو حادث بيه خمسين سياره مگلوبه..إجوا لگوه يخابر من يم السكراب مال كسره وعطش.
محشش دخل عالمُلاّ رافع أصبعين..گال الملاّ:ها إنتصرنا؟ گال:لا بقينا بس إثنين.
محشش كمشوه الشرطه گالوله :تفضل بالسياره ويانه..گال:لا شكراً بيتي قريب.
واحد نام متاخر........... فاتة الحلم
أكو غبي وكف گلبة .... نزل يدفعه
أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدگ إنتو جوگه مال أدبسزيه
المستوى
