والحين خلوني اقولكم عن تجربتي معاه ..
انا شريته اول ما نزل ايام عيد الاضحى وكان سعره 171 دينار بحريني (1710 ريال) ضمان انتركول
الحين ماادري كم وصل سعره ..
البطاريه .. رووعه ما شاء الله والله اني اشحنه وانسااه بالاربع ايام لين يطلع لي مسج البطاريه منخفضه
الصوت حلو .. وبالسماعه يطلع احلى واوضح ..
النغمات .. لاحظت ان النغمات اللى موجوده بالاساس فيه صوتها واااااضح وصافي
اما اللى انا انزلهم ما تطلع بنفس نقاوة النغمات الاساسيه ..
يمكن البلى من البرنامج اللى اسويه منه مادري بصراحه ..
وبعد لاحظت لما احط الجوال على سطح املس (مثل الطاوله)
يطلع الصوت اووووضح بكثير من يكون على السرير مثلاً ..
معاه وصلة usb بس مو معاه سي دي ، اول مره اشبكه باللاب توب يتعرف عليه اوتوماتك
وبنفس الوقت يشحن الجوال لما يكون موصل باللاب توب ^_^
وقت اللى شريته كان موجود اللون النحاسي فقط
بقية الالوان اكيد نزلت الحين لان مر على نزوله شهرين واكثر شوي ..
الموبايل استخدامه حلو ومريح وخاصه التصفح بالانترنت وزر الاستشعار اللى ينتقل بسهوله باللمس
بالبدايه يحتاج له شوي تدريب خصوصاً الكتابة وبعدين كل شي يصير سهل ..
منقول
المستوى
