Aym@n
 1586
 8367
 المستوى : 6
تاريخ التسجيل : 29/05/2010
My MMS : 
:^~~~أوسمتى~~~^ :
 | | موضوع: العرشه (من معالم ميت غمر ودقادووس ) صور الثلاثاء مايو 17, 2011 2:11 am | |
| العرشه (من معالم ميت غمر ودقادووس ) صورالعرشه معالم ميت غمر ودقادووس
اكيد العنوان شد كثير وخاصه من يعرف ميت غمر واهلها والقري المجاوره لها وكل من زارها اكيد يعرفوا قصدي من العنوان.
فالعرشه لا يعرفها الا الذين يترددون علي ميت غمر ومن لا يعرفها ساةضح لهم الان ماذا اعني بالعرشه.
العرشه دي اسم يطلق علي منطقه في ميت غمر وبالتحديدمكان زي النفق او بشكل تاني حاجه بتعدي من تحتها ومن فوقك قضيب القطر بيعدي من فوقك وانت تحتها.
عرضها تقريبا من 3 :4 م وبطول من 6 :8 م .ولكن في هذا الجزء الصغير الذي يطلق عليه اسم العرشه نري عنده العجب العجاب تعالوا معي نتعرف اكثر.   اولا
تحت العرشه دي تلاقي ناس كتير بتعدي من تحتها اللي داخل جوا ميت غمر او اللي خارج عشان يركب مواصله كله بيعدي من تحتها يعني تلاقي تحتها زحمه كتير قوي واللي مزود الزحمه ان في باعه جائلين يبيعون تحتها ما تشتهي الانفس كما يقال ( من الابره للصاروخ).
(شنط –ملابس- لعب- لب – احزمه – نظارات .................الخ )
ممكن تلاقي كمان متسولين قاعدين تحتها .
ثانيا
عند العرشه بقي ممكن تفاجئ بامين شرطه ابن ناس يوقفك ويقلك بطاقتك وحظه اسود امين الشرطه ده لو اللي بيقله بطاقتك طلع من ميت غمر نفسها .
طبعا امين الشرطه عارف بتوع ميت غمر من شكلهم او لهجتهم فمبيشطرش الا ع الغريب.
يوقفه ويقوله بطاقتك ويركنه فريحه مده اما تغمزه او يعطلك فريحه هو الموضوع ده لسه محصلش معايا بس حصل مع واجد معرفه بس حظ امين الشرطه كان اسود لان صحبنا اللي وقفه كان من الحرس الجمهوري فخد امين الشرطه علي قد عقله ومقلوش انه في الحرس.
لحد ما الراجل بتاع الحرس اتعطل شويه راح قايل لامين الشرطه وديني القسم بقي وراحخ موديه فقبل ما يوصل دخل علي الظابط من نفسه وشخط فيه وقاله انا هوديكوا في داهيه وراح مطلعله الكرنيه في اليوم ده امين الشرطه اتشد شده تمام ده مش موضوعنا بس حبيت اعرفكم الشرطه في خدمه الشعب.
ثالثا
اي واحد يحب يحدد مكان يقابل في حد كعلامه يعني يقوله قابلني عند العرشه.
فالعرشه تعتبر من اشهر الاماكن في ميت غمر.
ومن الفكاهي..................
اذا سالت احد مثلا علي ثمن القميص اللي لابسه وقلتله بكام ده قالك ب30جنيه بيروح راضض عليه ياك خيبه دا تحت العرشه بخمسه جنيه وهكذا..................
وعرفت العرشه بانك ممكن تشتري الحاجه رخيصه من تحتها .
وعرفت ايضا كعلامه ممكن تقابل اي حد هناك....
وايضا لان بجوارها معظم مواقف السيارات الموجودجه بميت غمر فمن الطبيعي ان تكون اكثر الاماكن معروفه
هو نفق تم عمله نتيجة تقاطع خط السكة الحديد المنطلق من ميت غمر الى طنطا والاسكندرية وما ورائهما مع المدخل الشرقي لمدينة ميت غمر والذي تم تخصيصها للمشاة العابرين فقط اما السيارات وغيرها من المركبات فغير مصرح لها الدخول منها لانه مينفعش اصلا والمركبات طريقها على بعد حوالي 300 متر من العرشة عند المزلقان .
اما العرشة كمظهر اجتماعي بالمدينة فتجدها تعج بكل لون بكل الثقافات بكل البلدان بداخلها تشعر بالتنوع بكل الوانه بالغني والفقير بالشيك والمهندم والعادي بالمحتشمة المتخمرة او المنتقبة والمتبرجة بالمسلم والمسيحي تجد تحتها في الثانية الواحدة ما يقرب من الخمسين فردا في ساعات الذروة دون مبالغة تحس بداخلها بخلاط او ميكس من كل اختلافات الشعب وطبقاته وكل الاعمار .
ومما يدل على تاثرنا بالعرشة كما ذكرت يا بشمهندس حتى في كلامنا العادي تجد كلمة على السنتنا كثيرا ما تقال " يا عم سيبك ده من تحت العرشة بنص جنيه " وفعلا على مداخلها ومخارجها تجد حركة البيع من كل شكل ولون واسعار رمزية وده اما البضاعة مش اللي هي او انها متهربة مش مهم المهم العرشة دي اهم ما يميز ميت غمر من اول ما تشوفها .
يعني اللي داخل او خارج من ميت غمر لازم يعدي وخصوصا زوارها من البلدان الاخرى لازم يعدي منها لانها حلقة الوصل بين ميت غمر وبين المواصلات الخارجة من ميت غمر .
العرشه (من معالم ميت غمر ودقادووس ),العرشه معالم ودقادووس | |
|
